السلام عليكم هاذي قصيده لشاعر محمد بن مبارك الضرير وانشالله تعجبكم عسى اللي حفظ يوسف على والده يعقوب
عسى يحفظ اللي عقبه العيـن سهرانـه
فلا ذقت عقبه لـذّة الزاد والمشروب
محاجر عيوني بـازرق الدمـع غرقانـه
ألا واعذابي عقـب فرقـاك يالمحبـوب
وحالي عقـب فرقـاك يـزداد نقصانـه
وقلبي من اللوعات ياصاحبي مصيـوب
الى من ذكر مـا فـات تشتـبّ نيرانـه
حسيبي عليك الله ماحتلت عنـك آتـوب
وقلب(ن) جرحته كيف ترضى بنسيانه ؟
غرامك غلبني واعترف لك أنا المغلـوب
أسيرك دخيلـك تنقـذه عقـب حرمانـه
ولولا الحياء لارفع بصوتي واشق الثوب
وابيّح بسـد(ن) طـال يازيـن كتمانـه
ولكن ابصبر واتصبّـر علـى المكتـوب
وابرضى بما جانـي مـن الله سبحانـه